回歸校園，又是病毒散播高危期。
又要例行公事，問問學生有無暑假外遊。
老師心知呢班學生【傻傻更更】，
於是，已經唔直接問佢地：暑假有無外遊呀？
反而問佢地：暑假時，有無搭火車或搭飛機離開香港呀？
傻子1號：老師，我有呀！
老師：去左邊呀？
傻子1號：藍田
老師：搭火車、搭飛機呀！
傻子1號：我係沙田搭火車去呀！
老師：>_<
傻子2號：老師，我都有呀！
老師：你又去左邊呀？要離開香港呀！
傻子2號：大嶼山
老師：係未玩野呀！
傻子3號：老師，我都有呀！
老師：搭火車或搭飛機離開香港呀？
傻子3號：係呀！去大陸啦！
老師：終於有人明白~~
傻子3號：不過剩係亞爸去喎！
老師：得你亞爸去，關你咩事呀！
8 則留言:
哈哈，真搞笑！
不過阿爸去過都可能關阿仔事個喎！
落緊雨呀呀 ana，嗚~~~
d學生好攪笑.... 終於又開學了, 所以返工又開始塞車...
老師有冇激到暈低？
哈哈哈，勁搞笑！笑死我！
我諗啲學生都好想今日係2009年7月15日。^o^
大頭叔~~
亞仔無外遊就得啦！亞仔易染病！
貝拉，rempei，maymay~~
對住D學生，答D咁答案，就唔覺得好笑！
意粉~~
老師1開學就想今日係2009年7月15日啦！
大人諗野複雜, 小朋友諗野係單純及直接, 睇真D佢地的答案, 都不無道理丫, 定抑或我諗野同他們一樣呢 ?!
發佈留言