你我的責任

搭錯車

早上集隊時~~
2個小1學生跟老師說：我地返錯學校呀！
老師：咩返錯學校呀！
學生：我地讀山上間小學，唔係讀呢間學校。
老師：點會？校服都1樣啦！你點返學呀？
學生：搭校車啦！

唔係化~~2個學生仔竟然上錯我地校車返學校。
架校車唔係有個學校名牌咩！
個學生傻啫！個學生家長仲懵閉閉呀！

初次見【麵】

學校有D人，總是十分唔通氣的。
明明將近收工啦！仲要攪D無謂野，阻住晒！

會合大頭帥哥，晚飯前先來1個美味雪糕甜品！
幸好，誤打誤撞先來預訂座位，否則滿席了。

今晚，來了3位帥哥，說說笑笑！可是....
老師竟然做了庶務二課OL，招呼大家！嘻嘻！

食品尚算ok啦！唯不能坐得太久。
餘慶~~~嘆杯咖啡，滿足地回家！

Rempei~~はじめまして、よろしく。

傻得徹底的學生

回歸校園，又是病毒散播高危期。
又要例行公事，問問學生有無暑假外遊。

老師心知呢班學生【傻傻更更】，
於是，已經唔直接問佢地：暑假有無外遊呀？
反而問佢地：暑假時，有無搭火車或搭飛機離開香港呀？

傻子1號：老師，我有呀！
老師：去左邊呀？
傻子1號：藍田
老師：搭火車、搭飛機呀！
傻子1號：我係沙田搭火車去呀！
老師：>_<

傻子2號：老師，我都有呀！
老師：你又去左邊呀？要離開香港呀！
傻子2號：大嶼山
老師：係未玩野呀！

傻子3號：老師，我都有呀！
老師：搭火車或搭飛機離開香港呀？
傻子3號：係呀！去大陸啦！
老師：終於有人明白~~
傻子3號：不過剩係亞爸去喎！
老師：得你亞爸去，關你咩事呀！

開學【不思議】事件

暑假完畢，老師學生回歸校園。
學生升班了，老師也升班了。

今年是3年級班主任，更是IR【學習特殊需要】班。
早有準備這班學生，學習動機低，成績谷底，
缺乏家人照顧，行為思想更是【傻傻更更】。

老師執教多年，今日竟然發生1件【不思議】事件。

1入班房，見有個【吉】位，開學竟然缺席。唔係化~~
第1日返學，竟然缺席，當然要打電話比亞媽。

小息時，老師就打電話比亞媽。
老師：A學生做咩唔返學呀？
A學生亞媽：今朝1早返左學啦！
老師：唔係喎！我係課室唔見佢喎！
A學生亞媽：今朝亞爸帶亞女落樓搭左校車返學啦！
老師：下...唔係化~~

於是，全校廣播尋人啦！
竟然，隔離班班主任施施然帶住A學生來。
答案更妙的是，隔離班班主任早知自已班多了1學生，
但佢竟然無意圖或企圖，把學生帶回原班，
還繼續上課及照處理班務！

救命呀！個學生傻啫！個隔離班老師仲懵盛盛！