【以下對白內容粗俗，請家長指引收看】
電話中~~
紋身老豆粗聲暴氣，一輪機關鎗式說話，橫掃過來。
【紋身老豆】：
老師，整咩個數學老師咁C多功課呀！
數學都1，2，3，4樣，仲有中文，英文常識呢！
咁多功課，我點做呀！家陣，我好有壓力喎！
計我話，返學駛乜做功課呀！
做D功課都係吹下水啫！求其做1，兩樣就得啦！
家陣駛鬼讀咁多書咩！返學有鬼用咩！
學識做野，搵到食，孝順，唔好學壞做黑社會就得啦！
唔係差人拉，我都唔比亞仔返學。
老師，家陣點先，睇住佢D功課，我好頭痕喎！
今晚我個friend生日，我地約左6點出去玩，
咁多功課要做，邊做得晒，咁唔駛去啦！........
【老師】：
聽我講！！咁又唔駛唔去！
咁你而家就快D把握時間，
唔好再傾電話，快D去做功課啦！唔該！
10 則留言:
其實佢無咩必要打電話俾老師吖 ~~
老師點知學生老豆有紋身呀？
老師，你咁樣教訓佢，佢會唔會等你放學...........然後再同您講過呀?
意粉~~
個老豆好明顯打電話來發洩下啦！無鬼聊！
maymay~~
個老豆由亞仔讀1年級開始，有咩野即黎學校，次次黎學校都係背心，短褲+人字拖啦！
點會唔知佢有紋身！
rempei~~
全校都知亞紋身老豆講野大大聲，但唔代表無禮貌喎！尋愁未驚過，佢亞仔仲要返學！
個老豆咁搞笑嘅
叫佢 call 啲兄弟一齊幫手做囉！^p^
大頭叔~~
哇！好提議喎！
叫佢CALL大頭兄弟一齊做功課啦!
都係好提議喎！
老師好0野, 臨危不亂, 處事不變, 以四兩撥千斤方法擺平左件事, 哈哈。
唔係你地以為做老師咁容易~~
發佈留言