有人歡笑，有人愁

不能忘記22年前的6月4日，

大部份準小一家長也不能忘記今天6月4日。

。。。。。。。。。。。。。。。。

很早很早，很不情願，回到小学校。

7時多，已經有家長在小学校排隊等取小一註冊証。

9時半才派証喎！駛唔駛咁早排呀！唔係先到先得喎！

家長A ：YEAH~~~~好野！

家長B ：你派到邊間呀？

家長A ：派到ABC小学校，第3志願。

家長B ：唔係第1志願喎！

家長A ：好彩唔係第1志願呀！我都唔想入呀！

老C：下~~~~咁你又揀第1，唔係化！

。。。。。。。。。。。。。。。。

老C：你的小朋友派到DEF小学校。

家長D ：下~~呢間咩小学校呀！係邊到黎呀！

老C：你應該自已揀喎！

家長D ：我無揀過喎！

老C：咁呢個教育局電話，你有疑問打去問下啦！唔該下一位！

。。。。。。。。。。。。。。。。

老C：你的小朋友派到GHI小学校。

家長E ：YEAH~~~~好野！唔該晒！多謝晒！麻煩晒！勞煩晒

老C：我都係負責派個証比你啫，無做過セ嘢呀！唔駛咁激動！

。。。。。。。。。。。。。。。。

老C：你係小朋友監護人？

家長F ：唔係！我老公先係。

老C：咁有無黃或綠表格？

家長F ：應該無，好似掉左啦！

老C：咁有無你老公的授權書？

家長F ：都無喎！

老C：下~~~咩都無，咁返屋企叫老公黎，或者叫佢寫封授權書。

家長F ：我係小朋友阿媽，你講比我聽佢派到邊間小学校先。

老C：教育局規定唔得喎！唔該下一位！

。。。。。。。。。。。。。。。。

全日工作得出一個結論~~~

1.要應酬咁多家長，超累

2.完全明白當政府工而要對客的人，點解可以咁cool