面試初體驗

妹妹剛踏入2歲，就要面對人生第一個考驗了！
其實，全家人都沒有刻意預先特訓妹妹，一切順其自然。

今早起來，去吃過大早餐，大家浩浩蕩蕩去學校。
哇！全間幼稚園大人仲多過細路仔，唔係呀！

我們比預定時間早到30分鐘，先給妹妹warm up，
妹妹出奇地乖乖地坐著，等待的時間仲長過面試時間，
幸好早點到來，快點見，就快點走啦！實在太多人了！

第一關(玩玩具)~~
據妹妹媽媽說~~妹妹先安排入課室玩玩具。
同1個課室有另外3-4個小朋友和他們媽媽。

第二關(見老師)~~
妹妹和媽媽接見老師~~
慣例1定問：你叫咩名？幾多歲呀？鍾唔鍾黎讀書呀？
妹妹好合作好叻啦！肯正正經經對答，已經不錯啦！

妹妹媽媽話~~
跟住叫妹妹砌下圖，問下圖片裏面件物件係咩。
妹妹答中1個係車車，另1個超薄電視，她就答左係電腦。
我覺得超薄電視幅圖好難啫，但識答電腦都好叻喎！

第三關(見校長)~~
呢一關都等左好長，妹妹都算有耐性肯等。
妹妹看見小朋友見完校長，手上拿著1個小皮球，
簡直雙眼發光，好想快快入課室拿波波。

到妹妹入課室，校長叫妹妹伸隻手入個箱攞野出黎，
妹妹一見到裏面有波波，竟然興奮得大叫起來。

校長問妹妹：呢個係咩？妹妹又點會唔識答呀！
離開課室時，妹妹仲講多謝！唔該！拜拜！全套服務做齊！

其實，是否取錄都無所謂，總算全家上下都見識過~~面試
即使幸運地取錄左，到時都要再考慮返唔返學讀書。