╭╰☆★Ellen 老師★☆╯╮: 人算不如天算

2008年4月21日星期一

人算不如天算

上星期六，隻【浣熊】係香港玩完我地一輪之後，
今日，果然有手尾要跟！老世個個要召見【問話】。

這樣臨急，無凌兩可的情底下，陣腳總有點兒亂，
處理失當，安排不善，怨聲載道總有啦！
要問責上來，應該人人都有責喎！>_<

雖然當日是無辜路過的行政人員，但我又唔會推卸責任，
唔做決定都做左，即使有後果，都無話可說啦。

還是那1句~~
以後星期六低調返學，唔好多管閒事！
【浣熊】見1隻殺1隻，直至滅族！哼！>_<

7 則留言:

lau2tang 說...: 問心無愧便算！理得人話你啱定唔啱唧！
講到尾，一定無一個兩全其美的方案，咁惟有以學生的安全為首要考慮因素。; 星期一, 4月 21, 2008 10:25:00 下午
Ellen老師說...: 針就係無兩頭利啦！當日唔放學生走，未1樣有家長投訴！唔做都做左，我地無理會啦！
幸好！當日後來已跟老世交代1次，今日佢又要例行召其他人問問，唔知聽日我要唔要呢！; 星期一, 4月 21, 2008 10:31:00 下午
匿名說...: 老師唔好虐畜呀, 係都唔好留手尾...
以一句學生安全為依歸, d家長仲有咩好嘈呀!; 星期二, 4月 22, 2008 9:22:00 上午
匿名說...: 唔擔心得咁多囉!你盡了責，跟進再跟進......，我好欣賞你架。; 星期二, 4月 22, 2008 8:46:00 下午
Ellen老師說...: 小彭~~
呢個世界就係有D超麻煩家長，專係攪風攪雨，我地點做佢都有意見！

肥師奶~~
老世始終係老世，佢要你死，你可以偷生嗎？; 星期二, 4月 22, 2008 8:58:00 下午
匿名說...: 咁你咪揀「自己」死，唔比佢「整」死囉!自己了結嘅方式可以多款一d，自主性亦高d......唔好意思，係到自己講嘢添......; 星期二, 4月 22, 2008 9:22:00 下午
Ellen老師說...: 哇~~壯烈犧牲~~我又做唔出呀！無咁偉大喎！我還是以後少理閒事，做個貪生怕死算吧！; 星期二, 4月 22, 2008 9:27:00 下午

發佈留言

訂閱：發佈留言 (Atom)