今時今日做老師並不容易，
日常教學工作佔20%，行政工作佔40%，
做埋D宣傳學校無謂job佔30%，煩碎雜務佔10%
老實說，分分鐘連星期六、日都要OT開工。
於有關於工作上的長期進修，在2006年頭完成後，
曾說過，唔好再自找麻煩，1定唔會再掂【進修】
隨之而來，就係為興趣去讀了日文，都幾好玩又有用。
我學校1向都有攪用普通話教中文，但係2-6年級各1班，
雖然都有少許家長聲音，但1直相安無事，好好地未算
點知~~我老世最近又攪D討厭野！
決定由明年開始，4班1年級全用普通話教中文，
之後，每年各級多增加1班，即2-6年級各2班。
好~~問題來了：
資深1年級班主任兼中文老師的我，以後要退位讓賢了。
但係基於專科專教原則之下，我不能不教中文，怎辦？
得2條路~~
1.去進修普通話，考個基準回來啦！
2.以後教非普通話班啦！
在分班原則下非普通話班，即是【甚麼都普通的班】
又或是有第3條路~~就是另某高就或轉行啦！
記著：整個過程老世是沒有強迫你去進修，
還說，只要你有興趣，就可以任教啦！
確實，亦有好多人為保飯碗已紛紛讀書去。
請問：1，2，3~~應選哪個呢？
9 則留言:
我選 1，進修得益的一定是自己。
老師，用普通話教中文是大勢所趨，你咁年青，仲有排教，走得去邊吖！拖得幾年，到頭來咪又要讀！
我都支持進修
之但係，就算依家開始進修
都唔可以即刻教啲細路仔架
進修吧，除非你轉行，放棄年資。
時代不同了，現在當教師，要像我小時候遇上那些師範畢業就教到三十年後退休，有點天方夜譚。
唔駛問都係揀1啦，祗要想著最終得益的是自已，便會輕鬆多了，要自我開解喲~
4. 條件許可, 就提早退休! (我擺明黎攪事嘅!)
如想繼續教中文, 似乎進修係必經之路! 老師對學校有歸屬感(我覺得), 要離開不是容易的事.
hmmm......
1.睇你有沒有能耐坐你老世個位,自己話事
2.自問是不是硬漢子,可以頂得住上層的壓力
3.有沒有能力另某高就或轉行
如果三條的答案都是「否」, 那你什麼都不用想,只得乖乖去學普通話 !
我估(1)對你黎講依絲執啦~
以你現在狀況，加上仲咁「後生」，訧進修住先啦，話晒生埋都可教仔女，教姪仔......但如果突現有咗，咁就揀3啦。記起當年進修......放工搭的士返屋企督功課，6:25攞住個飯係的士食，上到9:45又搭的士返屋企，唸住做到60歲，點知天意安排如此。
發佈留言