1早已收到風，今年班學生家長，有幾個係超麻煩。
開學1星期過後，大家相安無事，
直至今日，有人終忍唔住，開始發癲啦！
話說~~~
放學後，Y學生家長打電話來。
Y家長：我想問學校係未呢兩日壞左冷氣呀？
老師：無呀！
Y家長：我亞女呢兩日放學返黎話好唔舒服喎！
老師：係咩！點解呀！
Y家長：佢話D老師開晒窗，開晒風扇，無開冷氣！
老師：應該無呀！
Y家長：亞女唔舒服喎！唔開冷氣，唔駛交冷氣費啦！
老師：咁係咩堂唔開冷氣呀？
Y家長：咁都唔舒服，仲問佢呀！
老師：咁我問下其他老師了解下啦！
Y家長：1定要啦！
********************************************************
掛斷電話後，超麻煩發癲Y家長又打電話去校長投訴。
最離譜係~~佢唔係向校長投訴呢單野，
反而投訴其他野，都傻傻地~~有野就1次過啦！
駛唔駛分2次，最好1次過向校長投訴晒，未煩我啦！
最發癲係~~佢投訴埋D無聊野！無中生有！
咁得閒，就教下亞女未講大話啦！
老實講~~預左呢位發癲家長會陸續有來，
求求佢！玩投訴就直接打電話去校長，
老師好忙，好多野做，唔得閒陪佢癲呀~~~唔該
7 則留言:
聽落D家長又確係幾無聊，亦難怪而家D細路越來越放肆~~~
老師，辛苦晒喇!
依啲發癲家長朝朝係一百分都見到唔少 ~
開咗學個零禮拜咗喎，點搞呀！
咁錫個女驚佢呢樣果樣不如直頭唔好畀佢出街喇！
如果證實係佢個女講大話，咪叫個家長黎學校見校長，麻煩番佢囉~~
唔煩校長，校長都唔知你咁受氣。
尋日校長半教半罵個家長啦！
校長已認定個家長係【痴】，1定患有思覺失調添！救命呀！
我學校都有兩名，無人不曉！佢個仔病咗入了醫院，居然向教署投訴我們沒安排佢個仔在醫院補考！佢當正佢個仔喺每個人的皇帝！
發佈留言